「俾心基」好Sweet!

 

早前係連登討論區有人貼文,話公司有個新同事跟佢講自己係基,OK,fine,樓主亦都立即話自己唔係基,諗住大家有個共識。點知新同事平時常常關心樓主,有一次樓主唔開心,仲 Send一張「俾心基」的相片幫佢打氣…搞到樓主唔知好嬲定好笑。(其實呢單嘢都唔知真定假,好多討論區嘅主題都係作古仔吸引人流視線。)

阿守覺得有少少感觸,因為細個時候成日做呢啲蠢事。

以前讀書就係學校搵男同學,出來社會做事就搵男同事。根據非官方統計,在香港,十個男人一個基,有幾可會遇到自己喜歡而對方係同道中人?難!不過,自己心裡面會希望,就算做不到戀人,都想做比較親密的好友。

就好似男女之間那一種「友達以上,戀人未滿」,唔食得都睇得,阿守覺得,基同直之間亦都可以出現呢種關係。

明知對方同自己唔會有可能,唔會有下文,不過仍然情不自禁用各種方式去試探、或以超越朋友界線去關心對方。目的係咩唔重要,因為情不自禁嘛!

之不過,始終基直不合流,去到某一個階段,關係就會停滯不前,個人就會開始心急,心情會戚戚然、酸溜溜,嗰種心跳感覺真係好難受,然後好似飛蛾撲火咁繼續去做,唔做唔心息。

踏前一步表白,或會破壞大家的關係,原地踏步又不甘心。

阿守估計大家都一定曾經做過呢啲事,相信結果 99% 當然係被火燒得淒淒美美慘慘戚戚。

然後,人大了,被火燒了幾次之後就會醒覺,「友達以上,戀人未滿」前提一定要兩個人原本已經好 Friend,如果只係君子之交淡如水,失驚無神痴埋去人地度,對方一定唔鍾意,甚至會搞到好似「俾心基」既男主角咁無奈中帶少少反感。

可能,最終結果就係反面。連朋友都冇得做。

請先畀啲時間去發展友誼啦!你估 Sauna 撩完人就入房咩?

以前阿守都有試過同個直男朋友好 friend,出雙入對、大被同眠、見埋雙方家長一齊食飯,咁又點?朋友只能講句:「如果你係女仔就好啦!」只好將「心基」收埋,繼續做朋友,十年後朋友結婚都叫埋自己做伴郎,朋友個仔叫自己做契爺,咪當自己幸福美滿囉!

阿守覺得,呢啲係「友達以上,戀人未滿」嘅完美示範之一。係可惜,係失落,不過呢啲就係人生。將來老了,回想人生,回想到跟這個直男朋友的關係,應該都會由心笑出來。

唔好成日以為可以拗攣直男,阿守唔敢講咁實,不過機率真係萬中無一,因為直就係直,同男人談戀愛有性衝動嘅所謂直男,只會係 BI 又或者扮直的基。死心啦!

如果真係 Friend 就要珍惜關係,唔好隨便試探又或者示愛,好多時一講出口就會變質。朋友,尤其是出來社會工作之後,就好似受保護動物咁,買少見少。

「俾心基」,俾心機再搵過個啦!

廣告

對「「俾心基」好Sweet!」的一則回應

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s