《早霸王》同事 HEHE 表白

2018-04-22 15.22.07

森美小儀的《早霸王》的表白上星期又有一單 HEHE 表白!今次森美醒目啦,一聽個告白者少少証供,就估到可能係 HEHE 情,警覺性相當高。本來告白者比較內向,認識個男同事兩個月幾乎冇任何表示,今次一反常態勇敢表白,連森美小儀出到聲勸佢收手都要堅持打電話告白,希望中大獎,可敬可敬。

今次內容大意係告白者想對公司男同事表白,原因係欣賞男同事工作認真,又關心坐在冷氣機風口的告白者凍唔凍,雖然佢地中間幾乎冇任何曖味互動,又唔知男同事係唔係自己人,但告白者都豁出去打上《早霸王》。

森美小儀聽完個過程,當然都覺得失敗機會極高,而且都怕告白者會無埋份工,叫佢三思,不過告白者唔驚,可能人生得呢一次,唔想返轉頭,做咗先算。

咁到打電話搵到個男同事,經森美小儀盤問幾句之後,就得知男同事原來早就有個拍拖幾年的女朋友,Game Over。好在森美都做少少事後補救,叫男同事千祈唔好聽返今次的節目,以免破壞了大家的關係。

其實…都應該破壞咗,個節目咁多人聽…

點都好,最後森美都告誡大家,想拍拖嘅話,之前要做好多「親近」功夫,阿守更覺得同志仲要做多一件事,就係要確認對方的性取向,唔好係男人都表白,咁最簡單就要開 JackD 或 Grindr,睇一睇工作地點有冇自己人。

加油!

傳送門 / 2018年4月20日 / 42:30 開始

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s