[Ryan] GS Hotel – 真正自己人的地方

 

台灣係亞洲數一數二同志友善嘅地區,今次Ryan 去台北,亦都走訪咗一間同志酒店。呢一篇會同一家講下呢間叫GS Hotel 嘅同志酒店。

地點:GS Hotel
地址:台灣台北市南京東路五段322號
收費:可以加他們的LINE (http://qr-official.line.me/L/9FY0nslU6P.png)
到訪時間:星期一黃昏6時至8時左右
人流:極少

首先要講講呢間GS Hotel 嘅位置。搭捷運到南京三民站,向東步行約5分鐘就到,而喺GS Hotel再向東行多5分鐘,就會去到行到腳都斷嘅饒河夜市。南京三民站係遠離好多人成日去嘅台北車站/西門町/東區等地方,周圍亦都無乜特別啱遊客去嘅地方,不過由台北車站過去都只係15鐘,所以你話GS Hotel 好唔方便咩,又唔算,但話佢好就腳我又講唔出。

GS Hotel 1樓(即係香港嘅G/F,接住落嚟我會繼續用台灣叫法)係櫃檯,門口旁邊係落地大玻璃,不過唔使尷尬,因為出面無乜幾多人行過… 但要注意嘅係,如果由2樓落1樓時,一定要著返衫褲,因為出面無乜幾多人行過,但唔代表無人。

一入到去櫃檯,職員就會問我係住宿定休息,住宿就大家都明啦可以過夜好似酒店咁,而休息就可以分有房用同無房用,詳情唔多介紹,可以睇返佢哋個LINE 官方account。Ryan 今次係同好基友一齊嚟,兩個人用有房間嘅休息plan比較抵,所以就用左個2小時休息plan。

俾完錢,要喺1樓除鞋,拎住去樓上嘅locker,樓上各層有啲咩呢?

印象中係咁嘅…
2樓:locker、沖涼間、廁所、蒸氣房、私人房間(4間)
3樓:沖涼間、廁所、私人房間(約10間)
4樓:locker、沖涼間、廁所、蒸氣房、露天按摩池

當日職員帶我哋上2樓locker先,我已經覺得有啲伏,全層都無人。再上3樓間房,見到同一層有兩間房有人,其他房都係黑蚊蚊乜都無。再上埋4樓,又係無人,職員仲同我哋講可以出去用露天按摩池,但唔可以全裸。Well,Ryan無帶泳褲,無得出去。而且當時按摩池一滴水都無,蒸氣房亦蒸氣未開,Ryan 係自己開嘅。

好明顯,當日咁嘅人流 (仲要之後兩個人都唔見咗),就唔會有嘢玩,所以只係同好基友在房內休息下互動下就算,本身諗住GS Hotel 會好似sauna咁,可以識到人交流互動下,但原來唔係呢回事。另外,GS Hotel有個LINE group,聲稱每日會在12點清晒啲人,目的係俾所有同一日入住嘅人交流繼而互動,但睇嚟唔work,Ryan 入group 時,已經有幾十人,而一個月後,Ryan 仍然都仲喺group 入面… 說好的一日群組呢?

講到咁,GS Hotel係咪完全唔值得去呢?又唔係嘅。GS Hotel 都有啲值得介紹嘅好處。

(1) 真正自己人地方

GS Hotel 係打正旗號同志旅館,可過夜,可短暫休息,當hostel住又得 (仲可以有一個可以鎖門嘅空間),當去開房又得。房間入面仲有通話器可以與櫃檯職員對話,想要多個condom或者多幾包KY,用通話器就得,唔使自己行落去。(其實自己落去拎都唔可行,運動進行中點可以停呢,另外,唔好忘記1樓櫃檯對街塊大玻璃。)

(2) 沖涼間地方設計啱晒壞壞的你

咸濕沖涼間有兩款,第一款同平時我地認知嘅shower cubicle 一樣,門係唔透明嘅,但入到去,你身處嘅沖涼間同旁邊嘅沖涼間以透明玻璃分隔,如果咁啱對到眼嘅,可以打眼色入房互動,無feel 嘅,唔好同人有眼神接觸,對方應該都明,最重要係,對方因為同你中間隔左塊玻璃,最多只可以眼看,手動不了。

另一款沖涼間就激好多了,同樣係兩間為一組,門都係唔透明嘅,不過入到去,兩個沖涼間二合為一,兩度門都閂埋,你明的。

其實4樓仲有另一款沖涼間,不過個設計只係俾你見到入面沖緊涼嘅人個樣,度門係去到鎖骨咁上下高,所以可以伸個頭去望人地個body,問題係,你會唔會咁樣去望人呢。

(3) 私人房間有私隱得嚟又可以釣人

私人房間度門係可以鎖嘅,不過每間房亦同時有一塊落地玻璃。入面嘅人想有返啲私人空間,可以拉埋個百葉簾。不過,如果你好似Ryan 咁,間唔中都想表演下俾觀眾睇,又或者自己一個喺房,想有人陪下 (or 一齊做下運動),只需要扭一扭個百葉簾,出面嘅人就可以見到房入面嘅情況。


後記:

Ryan唔敢講GS Hotel值唔值得去,始終佢嘅路線唔係一般sauna,而且到訪時間無乜人亦都一啲都唔出奇。職員話一般星期五、六會多人,究竟有幾多,Ryan 真係唔知,不過如果咁啱周末去台北玩,住一晚半晚又無壞嘅,都係一種異地文化嘅體驗嚟架。

壞人Ryan 去台北其實仲有去到多一個西門町area 嘅同志bar,不過當日活動好悶,留咗半個鐘都無就轉咗場再去返Commander D。喺不久嘅將來,Ryan會再去呢間bar,而且仲要係有特別活動,所以請大家期待下個月嘅更新!

廣告

對「[Ryan] GS Hotel – 真正自己人的地方」的一則回應

  1. 我諗你去錯時間
    呢間hotel 係越夜越美麗
    住客日間都出晒去景點, 又點會有人陪你呢?
    12點後, 2點, 3點, 你懂的都會發生

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s