求神,同志誠心求乜神好?

640_a58cca3dd119233e10e180cb5effb698

今時今日,Member 識人拍拖同中六合彩的機會率差不多,就算有交友 APP,咪只係鴨仔/PTBF/美容瘦身廣告的平台,又或者係性交 Seek Fun 的集中地,想正正經經搵人拍場拖真係唔簡單~

阿守聽過唔少 Member 發仔瘟之下都會求神問卜,觀音、黃大仙、釋迦、耶蘇、聖母應該幫唔到啲乜。

月老?男男得咩?

六壬茅山?泰國愛情降?睇到都怕怕!

後來,聽過有人話去咗台灣,拜「狐仙」、拜「月兔神」同拜「桃花仙子」。

對於「狐仙」,香港人應該第一印像係 80-90 年代的靈異事件,同埋啲乜乜藝人去拜,就係希望增加魅力,幫忙吸引目光。咁 Member 拜了,多了人注視同關心,也就比較容易搵到男朋友。

而「月兔神」,中國傳說中的陰神之一,網上有好多出處,自己 Google 一下,想拜就去台北新北市的威明堂,阿守曾經陪 Friend 入過去,有好多 Plan 畀人揀,寫低自己時辰八字、願望等等就 OK。

至於「桃花仙子」就係上網做資料搜集時找到,佢係戀愛之神,不過戀愛不等於一定有 Happy Ending,想開花結果始終都要靠自己努力去維繫,成日亂發脾氣就乜桃花都走晒!

三位神明,係同志圈聽說都數一數二靈驗,當然,信則有,不信則無。

最後,阿守重申係唔鼓吹大家去參神。不過,就算拜乜都好,就算佢地真係好靈,佢地賜予機會你識到仔,如果自己唔好好地把握,唔好好地珍惜對方,對方點都會離開。

幸福唔係必然。

最後的最後,拜完神,無論靈唔靈,係要還神的。千祈唔好 Hea 過,係一定要還的。

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s