[深圳] 網友投訴:智鬥上門假鴨

Screen Shot 2019-01-02 at 21.42.25

估唔到我 2018 年最後個幾日都遇到 d 仆街同恐怖事件。

早幾日在內地,想上網係 SPA 約左個按摩技師,咁就聯絡鴨頭佢問問。qq 度已經問清楚係不是本人不收費,若 Outcall 亦唔需要俾車費。原打算去佢度,但基於安全理由,覺得約去我酒店會好 d,就俾左酒店地址佢。

鴨頭要確認我係訂房本人,所以要我電話同房號(之前都試過一間係咁,係真人,感覺沒大問題,所以照俾)。我一再堅持只會大堂等,唔見真人唔會上房等,最後約左技師 30 分鐘後到。

防盜眼後驗真假

我話我先出去食少少野,順便大堂等埋佢先上,但鴨頭又話技師塞車會遲,咁我亦同佢講我會食耐 d 等(實際上我冇出房)。最後時間差唔多到,技師竟然自己衝左上黎拍門,我冇應門,等左一陣先去防盗眼睇,一望,見到果然唔係真人(好彩當時佢望緊手機,相信佢望防盗眼都會見到我望佢)。

我同鴨頭講話我未返到,叫佢先在大堂等。再等多幾分鐘望清防盗眼冇人我再開門落樓,另外同鴨頭一再堅持只會在大堂等,叫技師有咩就打俾我。之後我落樓打算食野,技師打黎話係房門口等緊,我話要大堂等,之後收線。

鴨頭來電恐嚇

食緊野時鴨頭開始恐嚇我,話要保障技師,我就話我都要保障自己,加上大堂等完全冇問題,拒絕大堂見面一定身有屎,我再同佢講其實已見佢本人非相中人,但鴨頭一再堅持話係相中人,再重申若不是真人不收費(9噏中)。

之後技師打黎,一開口就好差態度,我同佢講若要見面就大堂見,之後收左線。佢不斷打黎我亦冇聽。鴨頭又恐嚇我咩不得好死會整死我之類。

諗住轉房都走唔甩

由於我之前俾左電話、姓同房號佢,所以有 d 擔心佢會攞到房卡偷我野(因相信話唔記得帶房卡再確認少少資料都攞到新卡),同埋之前經理問我要唔要升級,於是我打算食完野即刻返房攞哂野再同前台講話要轉房。

點知轉好房後,一出房門就見到技師又上返黎(樣衰高大的北方佬),一路追問我係咪我叫技師,我扮唔知佢講咩,佢話已經知道係我叫仲放飛機,佢已問過前台知我轉左咩房,又一路攞住部電話話正打緊俾我叫我聽,我話我電話根本冇響(實情我已校靜音),又叫我攞電話出黎証明,我當然冇彩佢。佢之後一路係後面話會死跟住我,我去邊佢去邊,佢最後跟足我成條街又不斷係我後面講埋哂 d 癈話。

巧遇公安救命

當時我見前面有公安,即刻衝去同公安講話有個癲佬由酒店開始跟住我,技師見到咁就即刻閃左。公安同我講,若佢再跟我去酒店就叫人攔住佢,先再返去搵佢。

後來我返酒店,個技師又再出現,我同經理講話呢個癲佬係咁跟住我,再同經理講話要再換房,請唔好再俾我資料同房號俾任何人。經理亦叫停技師同佢傾,最後我走左冇再理佢。

成件事好恐怖,請各 ching 出去玩要小心,尤其係大陸,強烈建議各位約技師先在公眾地方見面。

http://www.dfnm0755.com/sj/index.asp

就係呢間東方男模,不過報料人補充,呢個網上面 D 鴨有真有假,都唔係假得晒。可能係急住 R 生意先出此賤招。同埋報料人話自已都唔知叫幾多號,因為係鴨頭直接 Send 相,大家唔洗估估吓。

最後,阿守戴定頭,呢件事始終係當事人一面之詞,信則有,不信則無。

[深圳] 網友投訴:智鬥上門假鴨” 有 4 則迴響

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s