基界「賓fun」疫情

IMG_6391

最近疫情好似無咁嚴重,市面上又好似有返D人,就算無除低口罩,阿守都feel到大家無之前咁緊張,唔會有郁少少就情緒大爆發個種,好似鬆一口氣,咁當然,疫情仲未過去,呢幾日仲有零零星星確診個案,大家都要打醒十二分精神,口罩同社交距離一定要上心。

Sauna就開酒店房搵Fun

講返基界,疫情打擊社會活動,基界亦都有好多行業都要關門,先講「賓fun樂」的Sauna,停業,無得留低,因為入面D人已經赤裸裸,無遮無掩,又有steam霧化,仲要室內困死晒空氣,人多個陣仲可能會踩到地上D精液,都幾得人驚,停業都係無辦法之中既辦法。咁當然,停業初期都有一兩間偷偷地開,當然好快就摺返埋,因為真係有警察會巡查。

啲男人無地方玩點算?咪租酒店囉!依家又平,三四百蚊已經有一間油尖旺四星酒店房,最平個陣,半島酒店都係$1200一晚咋!有地方,自然就要搵人,唔係點「賓fun」,交友APP睇黎已經係不可或缺的方法,沒有之一。而Grindr更加係目測最多香港member用的APP,比JackdBlued更多。

酒店Group一街都係

疫情期間,一打開Grindr,唔係講笑,平時阿守開APP都只係收到十幾二十個DM,上個月每次響APP好似打摩斯密碼咁do do do do do do do,好恐怖!而且每段DM,已經唔止搵 fun,九成都係CFGroup、英文單字、甚至猖狂到有雪糕的Logo,明目張膽,阿守不嬲唔好呢啲嘢,只係太多太多呢類DM,唔關心都唔得。

不過精彩的是,搞GroupHost就好識玩,佢地想搞起個Group,基本條件就先要有CF同埋Top兩個元素,於是佢地用「免費CF」交換搵Top做膽,只要有幾個Top肯到,就自然有btm入來,btm除了係畀人屌之外,最主要既作用就係畀錢,補返D貨同埋酒店錢。係咁架啦!鬼叫僧多粥少咩!

阿守聽返來,呢個疫情期,可以咁講,一層酒店房可以有五個Group或以上,而且時段好長,方便D人走場。阿守甚至聽過,有拆家租同一酒店房散貨。方便嘛!行幾步路就可以交收,一晚幾轉就搵幾叉嘢,幾so!當然,呢個情況男女玩法更多,如果唔係,警察前排邊會搜到咁多雪糕出來!

Gym 無開唔代表無得做運動

見到好多member friend都沈迷玩Grouptake嘢,一排唔見人,竟然可以玩到成個人又瘦又削,膊頭又無,對波又無埋,然後就賴無gym做,無得操!喂大佬,你連續咁玩,又唔食野,唔瘦就奇,唔好畀阿守講中,就算有gym畀你,咪又係仆入去steam room企!

講起Gym,理論上,疫情期間所有gym studio都無得開門,咁當然實有走雞啦,阿守有相熟PT教練話,有Dgym偷偷開門,租畀教練自己操,又或者租畀教練帶人私人操,上門查牌咪唔開門當無人囉!有心練,就算屋企做掌上壓做HIITkeep到身型啦!member想要「賓fun樂」,九成都係身材先行,無操返D行頭點搵食!

Spa x Duck

另外,阿守識得唔少memeber朋友係唔玩交友APP,寧願花錢按摩叫鴨,要service,可惜,疫情期間所有按摩Spa都唔開門做生意,只有兩間轉做Outcall上門,亦都有兩間只做自己熟客生意,當然仲有部份個人按摩工作室都會接生意,總之,市場選擇唔多,一來師傅唔會返齊,二來酒店房間有限,無計!

講起,其實有數得圍,疫情期兩間Outcall Spa都係做$500/90分鐘,比in house做都係貴$100左右,依家有星的酒度唔貴,當平均$350一晚,即係做三個就回酒店房錢,點都有so。識諗!可能有人話,疫情期點解都要咁做,不過一家唔知一家事,好多人都係手停口停,真係要人訓街咩!只上門做Outcall,一對一已經好好。

至於鴨呢?當然唔會有外地勞工啦!只有少數在港長期居留個D,十隻手指數得晒,不過都畀阿守遇到一個幾正既,之前係單證來港,係某一樓一Spa做過一排,大隻而且樣都唔差,收$1500Q10都可以,btw,真係少數。想支持本土個D?阿守就未遇過,聽返好似連IG仔都驚了疫情暫時無接。

旅行 x 酒吧

最悲慘既,唔係無得玩外地勞工,而係連去外地既機會都無!大家都知,member至愛既泰國曼谷,香港人成日去的台灣、日本、韓國,全部都唔飛得唔入得,無辦法,外地D確診數升幅真係幾嚴重,香港守得住算係咁。咁講,係香港食腸係比較安全,東方腸變相危險好多,洋腸更加係死亡食品。

講真,呢個時候真係唔多想去歐美地區,佢地文化係唔鍾意戴口罩……

另外,5月頭,泰國政府話放寬市內社區活動,公園、運動場、市集、商店個D都可以開返,不過夜晚宵禁依然持續,傳說就話,呢個勢有可能六月七月就有得飛,不過都係要小心,可能都係要戴住口罩玩咁解!

咁酒吧基吧呢?仲記得四月頭個陣,當衛生署張竹君係Live度口窒窒講兵兵出事之後,所有酒吧就要暫停關門,不過笑還笑,酒吧入面傳播率點睇都係同食肆一樣高,仲要有唔少唔鍾意戴口罩既外國人,唉,好無奈,又無一個地方hea

紅燈山 x 九公

疫情期間,有咁多基界地方無得去,阿守有好多member朋友都選擇在家安安全全睇porntube打飛機,不過都有D人冒住生命危險,繼續外出覓食。阿守就見到Sauna Group開心樂園,有唔少人組團去傳說中既member野戰區紅燈山。

紅燈山係土瓜灣,有球場有公廁,夜晚人唔少,唔知幾時開始,TT傳說話會有member「賓fun樂」,於是一傳十、十傳百,就好似愈來愈多人。其實真係好詭異,上到去打開交友APP,係有好多member,仲要好近,但望四圍,又好似無咩人,好奇怪。阿守真係唔好野外fun,大家見到有交流,不妨留言。

另外值得一提,阿守好多時都會行經九公,即九龍公園,仲要係夜媽媽十點幾,成日見到好多男男成雙成對由九公上面行出來,身材樣貌都唔差,都唔知係唔係去完公廁釣完魚,玩完就一pairpair返出來或者去附近酒店開房,真係,見過好多好多次。斷估唔係打波游水囉,都未開返。

疫情仲未完架!

一次疫情,再一次證明男人真係一個好容易被性慾支配的畜生,包括阿守自己,都曾經係疫情出去玩過,唔係點聽到睇到上面既野?不過玩還玩,為人為己,口罩同安全套都必須戴上,都係基本野啦!因為阿守係呢個時間都收到唔少求助,又話「唔小心」畀人BB了,又話隔著個口罩kiss會唔會有武肺,好奇怪,真係好奇怪~

總之都係一句,疫情仍未過,同志仍需努力。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s