看同志電影《誰先愛上他的》對忠心有話兒

決定要睇呢套《誰先愛上他的》@Netflix 嘅原因,除咗因為佢係同志電影之外,靚仔邱澤做男主角係最大嘅因素。套戲係2018年攞過唔少獎,對劇情好壞都打咗個底,只不過親身睇完之後,唔易明,覺得有好多位要再細細咀嚼。

雖然《誰先愛上他的》話係同志電影掛帥,但係男男之情冇咁表面,可能因為中間多咗個女人,同志情選擇咗退讓,令嗰種愛情收埋得好深入,而且故事角度係由一個小朋友去看同性戀,雖然係幾新穎,但阿守真係投入唔到,好難 feel 到同志既虐戀。

總而言之,阿守繼續睇落去嘅最大動力,係想睇吓導演點樣處理同志面對一個複雜狀況的其中一個可能性:一個喜歡男人的老公,如何面對老婆兒子和同志情人,究竟佢鍾意邊個先,定係鍾意邊個多啲,佢將自己嘅愛又點樣分配呢?

當中又牽涉到一個好現實嘅情況,就係嗰個男人死咗留落嚟嘅遺產,到底會屬於邊個呢?

老婆定係老公呢?

結局唔劇透了,可以自己睇,不過阿守覺得導演處理得幾好幾順心,兩個都分到,算係一個 happy ending。

對自己愛嘅人嘅承諾

當阿守睇完《誰先愛上他的》,除了知道遺產點分之外,腦海中仲有一個很大的問號:男主角「小王」、「老公」同「老婆」的三角戀到底係點?小王同老公相愛在先,然後老公要做正常人,係外面再搵個老婆結婚,生埋個仔,十幾年之後老公得知有 Cancer,想臨死之前同至愛的小王渡過剩下的時間。

雖然古仔係咁曲折,但阿守覺得真係好兒戲。

因為,阿守覺得愛情/婚姻呢樣嘢,係對自己愛嘅人嘅承諾,一對一,不能多。鍾意一個人之後,無講係男定係女,你就冇藉口去搵第二個。

一個同志如果因為社會大環境而去搵個女人結婚,然後覺得痛苦,OK,呢個好無奈亦都係好同情,但唔代表可以貪心係出邊收埋個男人組織另一個家庭,然後就話自己好痛苦,個心被兩個人血淋淋撕開兩邊,其實咁樣係不可原諒。

呢啲行為就唔係花心,而係貪心。

因為一個人的貪心,就會產生很多問題,甚至影響家庭,影響下一代。而點解要有社會道德規範,就係需要教育大家,人心不足蛇吞象,否則最終只會悲劇收場。除非你好似某某咁有幾百幾千億身家,咁咪可以有一房二房三房囉。

看同志電影《誰先愛上他的》對忠心有話兒” 有 4 則迴響

  1. 我一路都好怕睇呢啲戲,好多時講來講去最後會resolve(唔到) 男男到底應唔應該一齊,一齊就係罪過;性愛,愛情,親情,甚至作為一個正常男人,當中有幾多份愛,幾多份責任,幾多份道德,幾多份自由……

    要打個分嘅話,睇過呢齣戲嘅會比幾多分(10分滿分)?

  2. 其實對女方非常不公平,為了自己過那些所謂的正常人生話,欺騙對老婆的感情同她結婚,其實那個老公又怎會給予她真的幸福,而且好多結婚男人又找其他男仔發生性行為,有性病又會傳給老婆!講真,如果想結婚生仔,都可以找個愛你的男人結婚,兩個男都可以生仔,一樣可以有家庭,當然也是要面對壓力。

  3. 同志選擇同女人結婚,咁就食得鹹魚抵得渴,既然享受到異性婚姻帶來的社會上的好處,咁就唯有將同志嘅秘密隱瞞一世,做一個好丈夫好爸爸

    魚與熊掌不可兼得,異性婚姻同同志情人嘅著數冇可能全部都攞到手

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s