《大叔的愛》ep10 – 「田一雄,既然你都揀左啦,就學識承擔啦!」

第10集,講的就係田田同阿牧初初係埋一齊之後,對新身份改變之後的認知。原來田田一直介意同志的身分,如果見到熟人,就算坐埋一齊都會彈開,老實講,真係幾 Hurt,好在呢集田田畀梓芊鬧一鬧,又遇上明星偷偷拍拖事件,令田田終於意識到有責任令身邊人開心。於是就向公司所有人表示出櫃,點知嚇阿牧一跳,即刻落閘話誤會!原因當然係,出櫃唔洗話晒比全世界知的,靜靜地,二人世界,開開心心,舒舒服服,唔好介意其他人眼光就得。

事實上,梓芊鬧田田那場戲,真係好有 feel。印象最深刻的,話:

梓芊:「頭先 Carman 姐一來到,你就拉開張凳,你洗唔洗咁驚呀?」


梓芊:「你剩係識諗自己,你完全無諗過阿牧既感受。」

田田:「咁我真係未有心理準備嘛!」


梓芊:「你係咁抗拒,咁做乜一開頭就應承同佢係埋一齊?」


田田:「咁我都需要時間適應架。」


梓芊:「時間?咁具體要點做呀?有無時間表呀?」


梓芊:「你根本就無諗過,剩係諗住拖住先拖住先,以為拖拖吓個問題就會自動消失。知唔知咁樣會 hurt 到人架?」


梓芊:「田一雄,既然你都揀左啦,就學識承擔啦!」

鬧渣田鬧得好,男人大丈夫,講得出就要去做,唔係因為係同志就豁免。做得男朋友就要有責任。

咁點定義呢?

係阿守角度來講,同志的關係,過程係 波友 > 男朋友….無啦,暫時都未有同性婚姻,點會有老公?

波友可以好多個,可以成日換。

男朋友,當然也可以換,但阿守覺得呢個階段已經有感情基礎,換人頻率唔會高。由於同志群體不算大,所以搵到肯做男朋友的真係要識得珍惜。

而且,如果真係搵到「那個人」,就更加要學會承擔。

因為「那個人」就係很可能同你一齊到老的那一個。如果唔肯承擔,邊有人肯同你過世?

承擔甚麼?好多好多,包括可以令「那個人」感到心安的所有事。簡單喲,就係梓芊鬧田田咁,承認自己鍾意阿牧咁,唔好偷偷摸摸。經濟上,盡量雙方都透明啲,但唔會撈亂,要獨立。情緒上,有咩開心唔開心都要 share,收收埋埋令人好擔心的。如果身邊有好狂風浪蝶,避唔到,都可以同「那個人」分享,畀佢心安嘛!

同志雖未有那一紙婚書,但未必不能行到最後。

行唔行到,你有得揀。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s