《大叔的愛》ep13 – 將來嘅問題,就算一個人解決唔到,到時都有兩個人一齊面對!

本來以為嗌分手之後的第13集會睇得好心噏同埋辛苦,好在無放TG😭,少少笑、少少酸、少少洋蔥,同時都在感嘆,同志條路真係行得咁痛㗎咩?愛情係兩個人嘅事,點解仲要顧呢樣顧果樣,最後無咗自己?

講返劇情。

田田都已經改變自己,主動同阿牧箍煲,但都畀阿牧拒絕…真係好心噏……呢幾集,阿牧真係過分地固執,同時對未來又過份地幻想,覺得田田會解決不了未來的問題…

學田田話齋:「咁點解你唔畀我一個機會試吓?」

一對同志,好不容易行埋一齊,就應該要珍惜眼前,未來的、未知的問題,試都唔試就逃避,將來一定後悔。

因為,呢個世界唔會有解決唔到嘅問題!

就算一個人解決唔到,到時都有兩個人一齊面對!👨🏻‍❤️‍👨🏻

阿守識得有對 Couple,其中一個成日出去玩,後來染上 HIV+,佢好驚,驚到唔想睇醫生,唔想返工,更一度要自殺。佢 Lover 喺呢段期間對佢不離不棄,帶佢睇醫生、逼佢食藥、複診,漸漸地病情受控,仲搵返份工,重過正常生活。

後來佢有同阿守講,話驚自己剩低時日唔多,怕留下來的人痛苦,想分手💔。

阿守話,佢之前咁樣對你好,你覺得佢會介意痛唔痛苦咩?你離開佢,佢就真係痛苦呀!依家好多報告都話HIV+受控既話,起碼能夠生活多廿年以上,隨時長命過你呀!

你好好地同佢一齊生活,先係真正令佢幸福快樂。

BTW,今集田田畀阿守嘅感覺,就係只要識洗衫煮飯做家務,就已經可以追到田田。其實請個鐘點就可以搞掂佢。

BTW x 2,雖然今集劇情唔算太催淚,但最後的彩蛋、那短短 45 秒的夢真是令人喊出來。田田,加油呀!追返阿牧呀!

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s