[網友投稿]九公漁塘被屈錢慘痛經歷

想分享少少個人經歷,希望幫到其他人。口語寫得唔好🙏 唔好見怪。

話說之前有個禮拜日,我單拖去九龍公園游水之後,响九龍公園轉個圈,睇下有咩人,有無野玩。然後竟然畀我見到有個中年大隻佬,背心短褲腰包跑步 look,响近尖沙咀嗰邊廁所附近張望,於是我就入廁所試探,而佢又真係跟埋我入廁所喎!心諗:有機了。

由於廁所入面仲有其他人,所以我去完廁所就出番去,等一等大隻佬醒唔醒目。等一陣之後,响出面又見到佢跟出嚟,佢望咗我一眼,就行過天橋去咁中港城,我就係後面跟住佢。

去到近中港城果頭,再入埋去第一個廁所,我地見到有個清潔阿伯,於是中年大隻佬同我扮洗手就出返去。

之後我地上去第二層廁所,裡面無人。大隻佬就自動自覺入到最後一格,咁我自然識做,前後腳跟佢入去,轉身鎖完門,雙手一攬抱住佢。

用報警做要脅

突然,佢轉身好嚴肅咁問我做咩事。

我呆左一下,我話以為有野玩。佢大叫話要報警,我嚇到傻,勁驚。好驚搞大件事,驚俾屋企人知道或者影響份工。

我叫佢俾次機會,佢見我好驚,就食住個勢,用報警做要脅,叫我俾幾千蚊佢,佢就算數唔追究。

肉隨針板上,最後佢帶左我去 ATM 㩒左少少錢俾佢。

睇死我唔敢報警

依家諗番成件事,其實佢一開始就係响九公搵水魚。而我又真係俾佢睇死唔敢反抗。

如果,當時就算佢點嗌都好,我堅持直接離開,佢應該無我符,佢點同差佬解釋?到時我仲可以告佢勒索,而且口同鼻拗,我都可以話佢非禮我。

但係,佢就係睇死我唔敢,同埋我都驚有手尾。

我只係啱啱出黎做野幾年,社會經驗唔多,依家少少錢當買個教訓,但係事後真係好唔開心,覺得自己好蠢。依家都無野可以做,但係諗起sogayhk個page,希望阿守會叫其他人小心啲。

[網友投稿]九公漁塘被屈錢慘痛經歷” 有 2 則迴響

  1. 同一經歷,我發生係一星期前,一模一樣手法,佢係咁拉住我唔放,我係銀包力左一次錢比佢都唔夠,再係銀包力麻個幾百蚊銀錯手跌麻落地下,佢個死乞丐一放手我成個人向前扑,腳同手都跌損,之后就狂奔,佢無追住我,因佢係地下執反d錢,唸反,當時真係大聲過佢就得。
    有無辦法可以消滅左埋個人渣。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s