談《仔仔一堂》 

自《大叔的愛》後,阿守樂見有人將另一套關於同性戀嘅電視節目《仔仔一堂》擺上今時今日嘅香港j大氣電波,就算係J2,都係好事,有前進好過乜都唔做。

勇猛10仔令人敬佩

《仔仔一堂》果十位,大家對佢哋嘅評頭品足應該都已經講到口水都乾,先唔理質素,畀王賢誌推出來上面對全港觀眾,已經好令人敬佩。

男男配👨🏻‍❤️‍💋‍👨🏽喎!王賢誌選妃👨‍👨‍👦‍👦喎!

咁同向全世界公開出櫃有咩分別?呢十位勇者,請受小弟一拜。🙇🏻‍♂️🙇🏻‍♂️🙇🏻‍♂️🙇🏻‍♂️

好在,呢十個仔平均質素都唔差,雖然係無mirror咁嫩口,但個個有波有囉,各自IG都有唔少fans,或者事業有成,玩完場真人騷必定升價幾倍。

阿守見過有網友話個個都係「出嚟做」,so what?? 呢個社會賺到錢咪得,無錢無理想啊!清高就等食風啦!先發財後立品,貼地啲 please !

向觀眾介紹真正嘅member生活

《仔仔一堂》係一套男男配真人騷,阿守估計都係入camp做task再配對咁玩法,然後幾team人拎住鏡頭追蹤果10個仔仔點互動,加少少衝突同感動位,咁又煮成一煲粥。

如果係咁,阿守會有少少失望。

阿守覺得,大眾社會對member的日常生活到依家都係一個謎,佢地想象唔到同性點樣生活、點樣融洽相處。

可能仲以為member會入公廁非禮偷拍、周圍強姦男人、摸吓手仔都會傳染愛滋。

如果有節目講吓現實中嘅member生活同互動,應該會帶來正能量。

例如行街拍拖睇戲食飯會點呀?真係會當街拖手咀咀咩?返工同屋企衣著有咩唔同呀?會唔會沖涼化妝成粒鐘呀?

講嘢真係咁高音?蘭花手?外型真係咁陰柔?驚老鼠曱甴定係獅子老虎?(其實依家啲member好高質🥴)

會唔會開交友app?會唔會一齊𥄫仔定係呷醋?同居嘅話又點跟父母朋友解釋?

如果深入啲,仲可以吓性方面嘅嘢、1/0的自我探討等等。麻甩佬叫雞,member又點發洩性需要?KOLs? Only fans? Twitter 又點玩?

真人騷,可以表達呢啲。

節目何去何從

然之後,失驚無神傳出無線J2台將呢套嘢打回頭,其實都算係意料之內,大家諗吓,老人台嘅觀眾反彈得咁緊要,又投訴又寫信,就算係無乜大睇嘅J2都未必出到街。

又有傳話佢哋敲ViuTV嘅門,不過阿守覺得唔會有人so佢囉,ViuTV自己整一個唔好?

Btw,而家未到最後一刻都唔知結果點🥲。如果諗住自己擺上網畀人睇,就有失原意,不如同啲OTT公司傾吓,都係一個可行嘅方法。

談《仔仔一堂》 ” 有 1 則迴響

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s