Spa 按摩推介 List v3.0

一個疫情,打斷了全世界的正常運作,Member 們當然也一樣。阿守識得一對 Couple,原本都打算年中出外國結婚,計劃被逼中斷;有 Member 朋友因疫情失業,無錢交租要寄人籬下;又有 Member 因疫情無 Sauna 去而轉 Party 玩,染上毒癮,依家嘗試戒毒;更有 AB 房事件、PTBF 呃點數卡。阿守想講的是,Member 都係正常生活在社會的人,也會遇到正常生活的事,請不要標籤自己。

按摩分享 06.2020

最近收過幾單相類似的求助,話事主試過畀 PTBF 呃錢,一問之下,原來係 IG 識:PTBF 係 IG 平時 Post 相,仲要係男神級,以為就係真人,膽粗粗問價,傾完之後再用點數畀錢,事主本來都覺得奇怪,不過以為 IG 係真就無再懷疑,後來當然無事發生……總之騙案時時有,大家要玩都真係要諗清楚,見真人先好畀錢丫!

個人按摩工作室推介 2020.06

多年前,阿守將呢個類別叫「私按/私人按摩」,依家就改稱工作室,皆因有自己地頭做野,有張按摩床,有投資過,服務同環境會比較有保證。如果想找各工作室的短評,可以自行去望望按摩 Review,今期搵唔到,就搵上一期,基本上係一定有的,又或者在網站的第一版右側使用「搜尋」功能。

按摩分享 05.2020

依家最多人問,唔係仲有邊間 SPA 或工作室營業(因為暫時間間都仲係度,無 Sauna 咁嚴重),而係會唔會戴住口罩做按摩,阿守就話,沖涼同臉向下咪唔戴囉,而且其他時間師傅都會戴住,只要唔好拉落師傅個口罩,唔好做太多激烈的行為,安全性點都唔會差太多吧!

基界「賓fun」疫情

最近疫情好似無咁嚴重,市面上又好似有返D人,就算無除低口罩,阿守都feel到大家無之前咁緊張,唔會有郁少少就情緒大爆發個種,好似鬆一口氣,咁當然,疫情仲未過去,呢幾日仲有零零星星確診個案,大家都要打醒十二分精神,口罩同社交距離一定要上心。

按摩分享 03.2020

今時今日,相信大家都盡量只係返工放工,來回屋企同公司兩個地點,出街食飯同人搭枱都驚驚地,更何況係按摩?明白的。總之大家小心D。另外一提,就係之前係 Group 都討論過,師傅會戴口罩工作,係為人為己的負責任行為,千祈唔好無啦啦除人口罩囉!

按摩分享 02.2020

疫情嚴重,當然會影響按摩意慾,近近地台灣又去唔到,泰國日本都唔安全得過香港⋯⋯如果真係頂唔住嘅話,就要識保護自己,戴口罩同埋用酒精搓手就必不可少,體液接觸就可免則免,「床尾機」都係其中一個選擇,唔好太爛玩,忍一忍就海闊天空㗎啦!嚟緊香港一定愈來愈好,大家加油!

按摩分享 01.2020

香港的同志按摩,形式跟台灣、泰國甚至內地好唔同,最大明顯分別係唔會提供相片,其他國家的按摩網站包羅萬有,除了有相片之外,有咩可以做,有咩唔可以做都列晒出來,明碼實價,講真,係幾正。而香港呢?無相,得前台講,靠幻想囉!冇解,風俗同埋法律體制都唔一樣,想睇相既咪去個啲國家囉!

去按摩,工作室 好定 Spa 好?

阿守經常都被人問過呢個問題:「去 member 場按摩,個人工作室 好定 Spa 好?」呢 D 都係千年老問題,有時真係答到忟⋯⋯依家一次過擺出來分析:各有優缺,睇返自己想要 D 乜。其實除了呢兩個選擇之外,仲有 D 灰色位,即係話有工作室係畀幾個師傅合租,又或者獨立師傅可能會租借 Spa 場做生意又得,Spa 場無房又可能會借工作室的地方用,總之都係一句,執生啦香港人!

按摩分享 12.2019

大家有冇試過在槍林彈雨下,依然堅持去戰區按摩休息?因為係有師傅仔同阿守分享過,之前個排咁緊張,竟然有人按摩大過煙,犀利!不過反方向諗,可能仲有 feel 呢?依家有少少靜咗落嚟,加上聖誕來了,唔知大家仲有冇消費意慾?不過出火意慾又可能唔同,估計大家外出「覓食」都需要餐牌,12 月剛剛有少少畀大家參巧一下呢!