今屆東京奧運，英國跳水王子戴利（Tom Daley）和馬提李（Matty Lee）組合勇奪男子雙人10米跳水金牌，戴利4次出戰奧運終於奪金，非常感動。頒獎禮後，他更在IG分享影片，展示親自鉤織的袋仔珍藏金牌，獲網民大讚。其實早年公開出櫃的戴利一直有為丈夫及兒子織了不少溫暖牌，非常巧手用心。

隔咗好耐先寫最後一集，雖然好多劇情細節都唔記得，但依然對當初想寫的主題念念不忘，就係表白果陣、好緊張果陣，第一句會係講啲乜？阿守經驗，都只係講「我鍾意你呀」。呢句係心入面，係唯一的感覺，唔講呢句，仲可以講乜？好足夠了。

今集，有兩場求婚戲，其中同志求婚的確浪漫，之但係硬係代入唔到田田同KK，所以 forget it。好在劇情仲有一樣嘢有好大感觸，就係，鬥氣。好明顯，田田呢個大細路嬲咗阿牧唔理佢，應承KK遠走台灣，離開阿牧。

本來以為嗌分手之後的第13集會睇得好心噏同埋辛苦，好在無放TG😭，少少笑、少少酸、少少洋蔥，同時都在感嘆，同志條路真係行得咁痛㗎咩？愛情係兩個人嘅事，點解仲要顧呢樣顧果樣，最後無咗自己？一對同志，好不容易行埋一齊，就應該要珍惜眼前，未來的、未知的問題，試都唔試就逃避，將來一定後悔。呢個世界唔會有解決唔到嘅問題！一個人解決唔到嘅，咪兩個人一齊面對囉！👨🏻‍❤️‍👨🏻

講呢集真係好高難度，唔識講，因為想講嘅嘢好多，又無可能講得晒。btw 編導真係寫同志 / HEHE / BL 之間的愛情路好到位，我們行嘅路途係比較崎嶇，好多問題同壓力，來自家庭、親戚、來自朋友、同事、來自社會、網絡，真的很容易令人放棄，放棄了愛情，然後行屍走肉咁不斷尋求肉慾。有時覺得，愛情係呢個圈其實好虛幻。

等了兩日，終於來到結局篇的第 11 集，今集最好看係田牧 CP 大澳之旅！！！睇到心花怒放，心如鹿撞，如果現實中同志拍拖有咁甜蜜就好了。阿守呢～～係街度餵食唔係未試過，但未試過幫人抹咀；攬頭攬頸自拍都成日做，攬住轉圈直頭無諗過囉！更唔好話係中環碼頭咀對咀！不過，浪漫完就係又虐又痛的戲份（睇預告），大家準備好紙巾了嗎！？

第10集，講的就係田田同阿牧初初係埋一齊之後，對新身份改變之後的認知。原來田田一直介意同志的身分，如果見到熟人，就算坐埋一齊都會彈會，老實講，真係幾 Hurt，好在呢集田田畀梓芊鬧一鬧，又遇上明星偷偷拍拖事件，令田田終於意識到有責任令身邊人開心。於是就向公司所有人表示出櫃，點知嚇阿牧一跳，即刻落閘話誤會！原因當然係，出櫃唔洗話晒比全世界知的，靜靜地，二人世界，開開心心，舒舒服服，唔好介意其他人眼光就得。

第九集，最正就係莫過於開場，上半身赤裸的田田從後抱住阿牧話：「唔好走啦」，跟手就阿牧表白，田田迷迷糊糊就應承。呢招真係好work，以前阿守同條仔有咩事嘈交，最後都係阿守攬返住佢，一抱泯恩仇，除了快速平息件事之外，仲可以順勢重整日後的發展（應承以後會點點點）。抱抱 Hug Hug，係好有用的。

每套 BL 劇最重要的露肉場景，就係《大叔的愛》的第 8 集，田田沖完涼從後抱住阿牧，叫阿牧唔好走呢一幕。有睇田田（Edan）之前出演過的《娛樂風雲》或者《Mirror Go》等等呢啲節目，都知道 Edan 根本毫無身材可言，得個瘦字，同阿牧（Anson Lo）爭幾條街，呢集見到佢操到有波有腹肌，鋼氣型，真係睇到阿守心心眼😍，可見田田真係為《大叔的愛》落左好大心機，學佢本人話齋：「大佬，做主角喎！」唔出盡力都對唔住自己。

第7集，流程又回復水準～～又好睇返。本來話題係想講「性向疑惑」，不過諗諗吓，改個話題講「經歷」呢樣野。好多人話今集好悶好拖，咁阿守接受到既，真係集集都搞笑同 sweet 咩？講返故事，由梓芊入屋、田田同阿牧合作搵老千出來、然後梓芊勾引田田、到阿牧呷醋到死，呢種種就係經歷，因為，如果一對 Couple 無經歷，無共同目標，無共同話題，就唔會建立到感情基礎，亦都好難行落去。