《大叔的愛》ep15-求愛基本功「我鍾意你呀」

隔咗好耐先寫最後一集,雖然好多劇情細節都唔記得,但依然對當初想寫的主題念念不忘,就係表白果陣、好緊張果陣,第一句會係講啲乜?阿守經驗,都只係講「我鍾意你呀」。呢句係心入面,係唯一的感覺,唔講呢句,仲可以講乜?好足夠了。

《大叔的愛》ep13 – 將來嘅問題,就算一個人解決唔到,到時都有兩個人一齊面對!

本來以為嗌分手之後的第13集會睇得好心噏同埋辛苦,好在無放TG😭,少少笑、少少酸、少少洋蔥,同時都在感嘆,同志條路真係行得咁痛㗎咩?愛情係兩個人嘅事,點解仲要顧呢樣顧果樣,最後無咗自己?一對同志,好不容易行埋一齊,就應該要珍惜眼前,未來的、未知的問題,試都唔試就逃避,將來一定後悔。呢個世界唔會有解決唔到嘅問題!一個人解決唔到嘅,咪兩個人一齊面對囉!👨🏻‍❤️‍👨🏻

《大叔的愛》ep12 – 有時覺得,愛情喺呢個圈其實好虛幻。

講呢集真係好高難度,唔識講,因為想講嘅嘢好多,又無可能講得晒。btw 編導真係寫同志 / HEHE / BL 之間的愛情路好到位,我們行嘅路途係比較崎嶇,好多問題同壓力,來自家庭、親戚、來自朋友、同事、來自社會、網絡,真的很容易令人放棄,放棄了愛情,然後行屍走肉咁不斷尋求肉慾。有時覺得,愛情係呢個圈其實好虛幻。

《大叔的愛》ep11 – 無論係邊度,掛住你就會同你傾電話。

等了兩日,終於來到結局篇的第 11 集,今集最好看係田牧 CP 大澳之旅!!!睇到心花怒放,心如鹿撞,如果現實中同志拍拖有咁甜蜜就好了。阿守呢~~係街度餵食唔係未試過,但未試過幫人抹咀;攬頭攬頸自拍都成日做,攬住轉圈直頭無諗過囉!更唔好話係中環碼頭咀對咀!不過,浪漫完就係又虐又痛的戲份(睇預告),大家準備好紙巾了嗎!?

《大叔的愛》ep10 – 「田一雄,既然你都揀左啦,就學識承擔啦!」

第10集,講的就係田田同阿牧初初係埋一齊之後,對新身份改變之後的認知。原來田田一直介意同志的身分,如果見到熟人,就算坐埋一齊都會彈會,老實講,真係幾 Hurt,好在呢集田田畀梓芊鬧一鬧,又遇上明星偷偷拍拖事件,令田田終於意識到有責任令身邊人開心。於是就向公司所有人表示出櫃,點知嚇阿牧一跳,即刻落閘話誤會!原因當然係,出櫃唔洗話晒比全世界知的,靜靜地,二人世界,開開心心,舒舒服服,唔好介意其他人眼光就得。

《大叔的愛》ep9 – 擁抱係好有效的

第九集,最正就係莫過於開場,上半身赤裸的田田從後抱住阿牧話:「唔好走啦」,跟手就阿牧表白,田田迷迷糊糊就應承。呢招真係好work,以前阿守同條仔有咩事嘈交,最後都係阿守攬返住佢,一抱泯恩仇,除了快速平息件事之外,仲可以順勢重整日後的發展(應承以後會點點點)。抱抱 Hug Hug,係好有用的。

《大叔的愛》ep8 – 田田根本就係 Edan,點會唔鍾意佢!

每套 BL 劇最重要的露肉場景,就係《大叔的愛》的第 8 集,田田沖完涼從後抱住阿牧,叫阿牧唔好走呢一幕。有睇田田(Edan)之前出演過的《娛樂風雲》或者《Mirror Go》等等呢啲節目,都知道 Edan 根本毫無身材可言,得個瘦字,同阿牧(Anson Lo)爭幾條街,呢集見到佢操到有波有腹肌,鋼氣型,真係睇到阿守心心眼😍,可見田田真係為《大叔的愛》落左好大心機,學佢本人話齋:「大佬,做主角喎!」唔出盡力都對唔住自己。

《大叔的愛》ep7 – 無經歷又點有感情

第7集,流程又回復水準~~又好睇返。本來話題係想講「性向疑惑」,不過諗諗吓,改個話題講「經歷」呢樣野。好多人話今集好悶好拖,咁阿守接受到既,真係集集都搞笑同 sweet 咩?講返故事,由梓芊入屋、田田同阿牧合作搵老千出來、然後梓芊勾引田田、到阿牧呷醋到死,呢種種就係經歷,因為,如果一對 Couple 無經歷,無共同目標,無共同話題,就唔會建立到感情基礎,亦都好難行落去。

《大叔的愛》ep6 – 同直男表白失敗之後,仲有無朋友做?

講真,今集的確唔好睇,情節又快又碎又亂,好似趕收工咁。阿守接受到無乜笑位,之但係無厘頭夾硬嚟劇情,真心唔識睇。只有 Darren 父子情果部份嘅 flow 比較順,其他真係……完全浪費晒 (1) 田田生日會 (2) KK 被田田拒絕後大喊,呢兩場嘅發揮機會🤨。不過,睇完呢集阿守有少領會,想講吓「同直男表白失敗之後,仲有無朋友做?」呢回事。