有好消息，My Way 桑拿「變身」了！雖然之前幾年都穩坐港島區同志桑拿的 No. 1，但佢都冇固步自封，今次裝修「變身」，令阿守去開港島玩個陣，都一樣會繼續 Keep 住去呢個一個位置方便既靚場 Hea 了！
最大改變，就係由原本日日唔同營業時間，改為全天候通宵營業，就算九癢癢都唔怕摸門釘。大佬！以前邊得閒同你記開門時間丫？而且灣仔呢頭夜媽媽都算易搵位泊車，冇車既，交通都夠方便，通宵 Van 四通八達。
裝修之後，特別欣賞就係多o左唔少活動摺門，加埋個Ｄ布幕，令到店舖環境同埋迷宮有多Ｄ變化，摸黑抽水就更加刺激，你估呢Ｄ迷宮真係迷宮咩，行兩轉就認到路啦！有得變先好！另外每間黑房都換了可以調校既 LED 燈，全光搞、暗光搞、同全黑搞，係好有分別的！
中場休息個陣，有電腦上網、有 40 吋大電視睇，仲有免費 Coffee or Tea，雪糕、汽水、奶茶、糖果隨便食！仲有，其實 My Way 既濕蒸房真係做得幾好，又大又夠位玩，沖完又玩，玩完又沖，Keep 住乾淨更係桑拿既精髓。
要講唔鍾意既，都係同以往既評語一樣，地方可以再用盡Ｄ，同埋擺太多花巧野了…
入場費都係個Ｄ，分正價 $150 同每日主題價（幾十蚊左右，最多 $100），阿守唔係咩青春少艾，因此最正就係星期一中佬 Happy Day，30-40 歲收 $80，其他日子仲有青春少艾日 (25歲以下$50)、大隻日、全裸日、野狼夜、大一夜等等，詳情自己上官網睇。
最後，店主有個座右銘，寫o左係門口既牆身，阿守都覺得好有意思，希望大家都認真細味：「跌倒都好，但都要企番起身，仲要姿勢漂亮，然後來一個華麗轉身，再從新出發。」
So Gay HK 