《大叔的愛》ep9 – 擁抱係好有效的

第九集,最正就係莫過於開場,上半身赤裸的田田從後抱住阿牧話:「唔好走啦」,跟手就阿牧表白,田田迷迷糊糊就應承。呢招真係好 work,以前阿守同條仔有咩事嘈交,最後都係阿守攬返住佢,一抱泯恩仇,除了快速平息件事之外,仲可以順勢重整日後的發展(應承以後會點點點)。抱抱 Hug Hug,係好有用的。

話晒今集係田牧 CP 正式係埋一齊,必睇拍拖 sweet sweet。不過對於田田呢個 A0 來講,絕對係令佢不知所措。等阿守幫田田解答啦!

1) 「我係男朋友定係女朋友?」- 兩個都係HEHE,梗係兩個都係男朋友,你又未變性,何來女朋友?唔好畀傳統固有男女關係框死。
2) 「我地兩個男人去行街買衫?」 – 點解唔得呢?平時朋友都係咁啦!又唔係手拖手、咀對咀⋯⋯
3) 「😕我地不如企開 D。」@排隊等位時 – 朋友之間又洗乜企開D?疫情咩~同上,又唔係手拖手、咀對咀⋯⋯

諗清楚,男性之間都可以好 friend,一齊食飯、行街、買衫、打波、睇戲,好正常!有一幕係田田爭 D 畀單車撞,唔通阿牧見到唔拉走田田咩?正常朋友都會咁做啦!

自己形住有嘢,好似做基佬就好似做咗衰嘢咁,以為人地睇你做緊衰嘢咁,咁諗咪錯晒囉!

都係果句,唔係當街當巷又攬又錫,正常男男活動完全無問題。

更何況,呢幾年阿守都多咗見到一 pair pair HEHE 當街拖手行街,好甜蜜,好羨慕佢地有勇氣行得咁前。因為阿守都做唔到!🤪

另外,要讚一讚《大叔的愛》兩大炮灰女主角之一的梓芊,今集本來想鼓起勇氣同田田表白,點知畀田田搶先自認答應阿牧的求愛,仲承認自己係鍾意阿牧,梓芊只有返歸狂喊,睇到阿守眼濕濕。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s